दक्षिण कोरियाली वैज्ञानिकहरूले १ सेकेन्डमै रगत रोक्ने स्प्रे विकास गरे

दक्षिण कोरियाका वैज्ञानिकहरूले विकसित गरेको एक नयाँ प्रविधिले आधुनिक चिकित्सा विज्ञानमा ठूलो सम्भावना र आशा थपेको छ। एक सेकेन्डमै रगत रोक्न सक्ने स्प्रे पाउडरको विकासले आपत्कालीन उपचार, युद्ध क्षेत्र र शल्यक्रियाको क्षेत्रमा क्रान्तिकारी परिवर्तन ल्याउन सक्ने विश्वास गरिएको छ। केएआईएसटी (KAIST) विश्वविद्यालयका वैज्ञानिकहरूको अनुसन्धान टोलीले विकास गरेको यो प्रविधिलाई अमेरिकी वैज्ञानिक पत्रिका मेडिकल एक्सप्रेसले सार्वजनिक गरेपछि विश्वभर यसको चर्चा हुन थालेको छ।
रक्तस्राव नियन्त्रण चिकित्सा विज्ञानको सबैभन्दा संवेदनशील र महत्त्वपूर्ण पक्षमध्ये एक हो। दुर्घटना, युद्ध, प्राकृतिक प्रकोप वा शल्यक्रियाका क्रममा अत्यधिक रक्तस्रावका कारण धेरै मानिसले ज्यान गुमाउने गरेका छन्। यस्तो अवस्थामा समयमै रगत रोक्न नसक्दा उपचार सम्भव हुँदाहुँदै पनि बिरामीको ज्यान जानु ठूलो चुनौतीको विषय रहँदै आएको छ। यही समस्याको समाधान खोज्ने क्रममा दक्षिण कोरियाली वैज्ञानिकहरूले एजीसीएल पाउडर नामक स्प्रे विकास गरेका हुन्।
वैज्ञानिकहरूका अनुसार यो स्प्रे पाउडर एल्जिनेट, जेलान गम र काइटोसानजस्ता प्राकृतिक सामग्रीको संयोजनबाट तयार गरिएको हो। यी सबै पदार्थ जैविक रूपमा सुरक्षित मानिन्छन् र मानव शरीरसँग सजिलै अनुकूल हुन सक्छन्। विशेषगरी काइटोसानलाई पहिल्यैदेखि चिकित्सा क्षेत्रमा प्रयोग गरिँदै आएको छ। यिनै प्राकृतिक तत्वहरूको संयोजनले एजीसीएल पाउडरलाई प्रभावकारी बनाएको वैज्ञानिकहरूको दाबी छ।
यस प्रविधिको सबैभन्दा विशेष पक्ष भनेको यसको काम गर्ने तरिका हो। स्प्रे गरिएको पाउडरले रगतमा रहेको क्याल्सियमसँग प्रतिक्रिया गर्छ र तुरुन्तै जेलमा परिणत हुन्छ। यही जेलले घाउलाई छोपेर रगत बग्न रोक्छ। वैज्ञानिकहरूका अनुसार यो प्रक्रिया एक सेके